Sorrí með mig

Ég er almennt góður gaur,

glaðlyndur vinnumaur.

En ég þarf mitt andrými, allnokkuð landrými.

Ég vil ekkert veganbull,

ekkert mjólkurkaffisull.

En ef ég nefni það fer góða fólkið strax af stað.

Sorrí með mig! Má maður aldrei neitt?

Sorrí með mig! Leiðindi út í eitt.

Sorrí með mig! Við getum pakkað saman,

þetta er hætt að vera gaman.

Sorrí með mig! Áetta, máetta

Sorrí með mig! og ef það angrar þig (sorrí með mig! )

(Sorrí með m-ig!) — bara sorrí með mig.

Ég er ögn í yfirvigt,

set á mig alltof sterka lykt.

Ek um á dísilbíl — fékk hann á fínum díl.

Kýs flokkinn minn á laun

— en ég flokka ekki baun.

Kraftur í kjellinum; kóngurinn í bergmálshellinum.

Sorrí með mig! Má aldrei segja neitt?

Sorrí með mig! Leiðindi út í eitt.

Sorrí með mig! Ef maður finnur stæði

er best að legga í bæði.

Sorrí með mig! Áetta, máetta

Sorrí með mig! og ef það stuðar þig (sorrí með mig!)

(Sorrí með m-ig!) — bara sorrí með mig.

Sorrí með mig! Má maður aldrei neitt?

Sorrí með mig! Viðkvæmni út í eitt.

Sorrí með mig! Á heima í Garðabænum.

Þar er minnst af Vinstri grænum.

Hey, sorrí með mig! Áetta, máetta.

Sorrí með mig! Káfar það upp á þig?

Hey, Sorrí með mig! Má maður aldrei neitt?

Sorrí með mig! Geðshræring út í eitt.

Sorrí með mig! Er eitthvað bann í lögum

um bjór á virkum dögum?

Sorrí með mig! Áetta, máetta

Sorrí með mig! og ef það truflar þig (sorrí með mig!)

— sorrí með mig.

bara sorrí með mig