Kúst og fæjó (Söngvakeppnin 2018)

Jé, jé, jé jó,

Ég   þríf, þríf og stússa,

þeytist um húsið með tuskurnar ( korter í sjö ).

Eins gott að allt sé pússað

því aðeins er korter í stelpurnar.

Set á borðið tertuna, ( úaaa, )

er búin að stífa dúkana, ( úaaa, )

keypti þrenns konar líkjöra

en náði ekki að marenera öndina.

Mig vantar kúst og fæjó

verð að taka soldið til.

Í kvöld er saumó

og hreint ég hafa vil

Ég vona að Rúna þambi ekki of mikið

Eins og í Berlínarferðinni ( hún er alki )

og vona að Ása góni ekki á rykið

og blettinn á teppinu í stofunni.

Og hvernig verður svo með Hrafnhildi? ( úaaa, )

Ætli hún tali við Valgerði? ( úaaa, )

Síðast lentu þær í rifrildi

og lokuðu á hvor aðra á snapptjatti.

Mig vantar kúst og fæjó

verð að taka soldið til.

Í kvöld er saumó

drögum kannski spil

Við höfum fylgst að í gegnum árin

það gefur mér svo mikið að hitta þær ( vinkonurnar )

Höfum hlegið og þerrað tárin

Hver einasta þeirra er mér svo kær.

Hjálpuðu mér í gegnum skilnaðinn, ( úaaa, )

fóru með mig í bústaðinn, ( úaaa, )

hafa passað öll mín krakkaskinn

ó, mikið er ég þakklát fyrir vinskapinn.

Mig vantar kúst og fæjó

verð að taka soldið til.

Í kvöld er saumó

og hreint ég hafa vil

Mig vantar kúst og fæjó

Verð að pússa öll mín gólf

í kvöld er saumó

sitjum saman fram til tólf.

kúst og fæjó, kúst og fæjó.

kúst og fæjó kúst fæ æ jo ó.

kúst og fæjó, kúst og fæjó.

kúst og fæjó kúst fæ æ jo ó.