Blóðbönd

Ég þekki þá ekki, sem eiga hér heima

þar sem ernir þöndum vængjum sveima

þar sem úlf-grátt hafið hreykir sér

þar sem hrikaleg fjöllin standa ber

Hríslur ég fann, sem festu hér rætur

við fossin sem vakir, um dimmar nætur

á heiðinni upp-blásnu, auðn þú finnur

þar sem örlaganornin vef sinn spinnur

Blóðbönd hvíslar kvosinn, blóðbönd hvíslar mosinn

blóðbönd hvíslar sauðir, blóðbönd hvísla dauðir

blóðbönd hvísla fjallið, vindurinn og hafið

Ég þekki þá ekki, sem sjóinn hér sækja

sumar sem vetur, miðin sín rækja

en ég skil þá svo vel, sem vilja ekki fara

hér vaka fjöllin blá, hér vakir lífsins þrá

hér lyktar sólskinið af sjó og þara

Blóðbönd hvíslar kvosinn, blóðbönd hvíslar mosinn

blóðbönd hvíslar sauðir, blóðbönd hvísla dauðir

blóðbönd hvísla fjallið, vindurinn og hafið