Allt of oft

Allt of oft áttar maður sig ekki á

hvað átt hefur fyrr en misst hefur

Allt of sjaldan segir maður ekki frá

að lífsins gildi eru það sem þú gefur

Stundum særir maður þann sem er

manni kærastur

Stundum lætur maður heimskulega hluti

skilja okkur að

Gruggaðu ekki geiminn þar

sem hann er tærastur

Gakktu um lífið

eins og um helgan stað

Svo vertu viss um að láta fólk vita

hversu vænt þér þykir um það

Gefðu þér tíma til að láta fólk vita

áður en allt er um seinan og þú horfinn á annan stað

á annan stað

Allt of oft látum við ómerkilega hluti

inn í okkar hugarheim

Og allt of seint sjáum hvað þar

blindaði sýn

Allf of oft hlustum við á sögur og slúður

í mannaheim

Slúður og klúður er villir

okkur sýn

Vertu öruggur um að virða allt sem þú hefur átt

Vertu þakklátur fyrir alla litlu hlutina á leiðinni

Mergurinn er því það skiptir öllu að lifa í sátt

Mætast í friði á litríkri heiðinni

Svo vertu viss um að láta fólk vita

hversu vænt þér þykir um það

Gefðu þér tíma til að láta fólk vita

áður en allt er um seinan og þú horfinn á annan stað

á annan stað