Ég kem til þín

Það er ótrúlegt hve böndin teygjast langt,

yfir ógnarhafið svart og fjöllin blá.

Leggur aftur augun, æskuárin fljúga hjá,

út um gluggann hvíslar þakkarorð og þerrar tár.

Líttu við þegar þú ferð um nýjan veg,

Horfðu á og brostu’ að því sem út af ber.

Snæviþaktar minningarnar fá þá nýjan lit

sólarlagið gyllir þær sem áður skorti glit

En ævin líður hjá og minningarnar hrannast upp

Líttu upp og sjáðu mig þér við hlið.

Það er sama hvernig viðrar, alveg sama hvernig fer

Hvort sem út af vana bregður, eða stendur í stað

Ef að úti geysar stormur, eða sól í heiði skín

Þú mátt treysta því að alltaf ég kem til þín

Ekki gráta þó að fenni í gömul spor

Þar munu nýjir fætur finna styrk og þor.

Mundu í lífsins ólgusjó að leiða styrka hönd

Gamlir fjötrar falla og hverfa klakabönd.

En ævin líður hjá og minningarnar hrannast upp

Líttu upp og sjáðu mig þér við hlið.

Það er sama hvernig viðrar, alveg sama hvernig fer

Hvort sem út af vana bregður, eða stendur í stað

Ef að úti geysar stormur, eða sól í heiði skín

Þú mátt treysta því að alltaf ég kem til þín

Það er sama hvernig viðrar, alveg sama hvernig fer

Hvort sem út af vana bregður, eða stendur í stað

Ef að úti geysar stormur, eða sól í heiði skín

Þú mátt treysta því að alltaf ég kem til þín