Ég stoppa hnöttinn með puttanum

Ég gægist út um gluggann og ég þekki þessi þök,

ég þekki Parísarborg.

Niðri á götu, rauður dregill, fullt af löggum

múgur sem goðin vill sjá.

Átta hæðum ofar bankar einhver dyrnar á

og býður mér kavíar.

Ég brosi í kampinn, hugsa með mér

hvar ég verði næst þegar sólina lít.

Og heimurinn snýst hring eftir hring

og ég stoppa hnöttinn svo með puttanum

og ég vakna í París eða Berlín eða Bangalore.

Hvert sem að ég kem þá fyllir vitin

eins lags ilmur af unaði.

Kardimomma, kóríander, kassía

og svolítil sinnepsfræ.

Allir þessir litir og allt þetta

fallega fólk, þessi bros

hver á sínum vegi, með sinn hatt

og sína drauma um betri tíð.

Og heimurinn snýst hring eftir hring

og ég stoppa hnöttinn svo með puttanum

og ég vakna í Porto eða Sjanghæ eða Singapore.

Og heimurinn snýst hring eftir hring

og ég stoppa hnöttinn svo með puttanum

og ég vakna á Balí eða Tulum eða Istanbúl.