Frelsarans slóð

Sýndu mér frelsið, flögrandi af ást

Falið bak við rimlana þar sálirnar þjást

Og nöfnin sem hjartað hafði löngum gleymt

Haltu fast í drauminn sem þig hafði eitt sinn dreymt.

Það fossar blóð í frelsarans slóð,

en faðir það er vel meint

Það fossar blóð í frelsarans slóð,

en faðir það er vel meint

Sýndu mér böðulinn sem blindan hefur reyrt

Og boðorðin tíu sem engu geta breytt

Og hlustaðu á prestana bjóða blóðug svör

Brosandi færa þér móður jörð sem gröf

Það fossar blóð í frelsarans slóð,

en faðir það er vel meint

Það fossar blóð í frelsarans slóð,

en faðir það er vel meint

Sýndu mér mæðurnar sem misst hafa von

Hversu margar aldrei aftur fá að sjá sinn son

Sýndu mér blóðvelli hvar bleyður standa vörð

Um beinkrossa og frelsi, að friður ríki á jörð

Það fossar blóð í frelsarans slóð,

en faðir það er vel meint

Það fossar blóð í frelsarans slóð,

en faðir það er vel meint

Sýndu mér gjafirnar sem gefnar voru í trú

Að gæfan fylgi barninu, að byssan yrði brú

Sem síðan barnið gengi á, brátt færð þú að sjá

Byssumann og jólatré þú þarft ekki að hvá?

Það fossar blóð í frelsarans slóð,

en faðir það er vel meint

Það fossar blóð í frelsarans slóð,

en faðir það er vel meint