Kiddi á Ósi ( Komdu og skoðaðu…)

Ég oftast er kallaður Kiddi á Ósi,

n Kristján ég heiti og pabbi minn Jón.

Það sæmir víst ekki að ég sjálfum mér hrósi,

þá segja víst flestir hann Kiddi er flón.

En nú skal ég segja ykkur sögu af mér,

Sem sannlega töluvert raunleg er.

Ég átti í gærkvöld í erfiðu basli

ég átti að láta inn hestana þá.

Einn klárinn hans pabba var kallaður Faxi,

og krakkana reynir að bíta og slá.

Hann vild ekki inn því að veðrið var gott,

en vék sér til hliðar og laumaðist brott.

Ég kærði mig ekkert þótt klárinn væri eltinn,

og kollhúfur legði, ég setti á mig rögg.

Ég náði með tröllauknu taki í stertinn,

þá trylltist hann alveg og gaf mér nú högg.

Hann sló mig í lærið í loftið ég flaug,

og loks kom ég niður á gaddfreðinn haug.

Nú hef ég kolbláa kúlu á enni,

og kjálkinn úr skorðunum gengin víst er.

Og eymsla í hryggnum ég allsstaðar kenni,

og eitthvað er bogið við nefið á mér.

Og armurinn hægri er allur svo blár,

aumur er rassinn og maginn er sár.