Söknuður (Hörður Torfason)

það er svo langt á milli okkar eitt heljarmikið haf

en hjarta mitt flaug til þín svona rétt á meðan ég svaf

þó það hafi dvalið hjá þér nakið hverja nótt

þá nægir slíkt mér ekki – í draumum líður tíminn of fljótt

tíminn mælir líka daginn sem líður alltof hægt

hann læðist áfram á hraða sem hefði gömlum snigli nægt

fjarlægðin er svo mikil að maður er alveg bit

að mæna yfir hafið í von um að sjá þig er ekkert vit

ég sakna þín svo mikið ég sakna þín hverja stund

ég svíf í hverju andartaki rakleiðis á þinn fund

ég safna hverjum eyri – ég eyði varla í mat

ég ætla að komast aftur til þín allt annað er plat

í þér hef ég fundið allt sem einhvers virði er

og unaðslegt væri að eyða öllu lífinu með þér

ég sakna þín svo mikið ég sakna þín hverja stund

ég svíf í hverju andartaki rakleiðis á þinn fund

tíminn æðir áfram alveg taumlaus eins og fyrr

hann teymir mig á eftir sér þó ég sitji kyrr

ég vildi óska að fjarlægðin færi þannig með mig

þá faðmaði ég ekki koddann minn á kvöldin heldur þig

ég sakna þín svo mikið ég sakna þín hverja stund

ég svíf í hverju andartaki rakleiðis á þinn fund

ég sakna þín svo mikið ég sakna þín hverja stund

ég svíf í hverju andartaki rakleiðis á þinn fund