Þrír litlir krossar

Predikari og bóndi, skólastjóri og skækja

í rútunni um lágnættið, leiðin brött og hál

eitt í ferð að fræðasetri, eitt að flýja undan vetri

og tvö voru í leit að týndri sál

Hann sá þau ekki sá sem kom á móti

Og stórir trukkar stöðvast ei svo skjótt

Bara þrír litlir krossar upp hjá beygjunni við gilið

hví þeir eru ei fjórir þar veit enginn nema Guð

ég held það teljist ei með sem þú tekur með þér héðan

heldur hvað þú skilur eftir er þú ferð

Og bóndinn skildi eftir börnin sín og landið

og ástina sem kennd’ann þeim til alls sem fagurt grær

og skólastjórinn hafði í hugum margra barna

oft tendrað ljós sem loga heit og skær

Og presturinn sagði sjáðu þar er Paradís

er bersyndugu konunni hann Biblíuna gaf

Bara þrír litlir krossar upp hjá beygjunni við gilið

hví þeir eru ei fjórir þar veit enginn nema Guð

ég held það teljist ei með sem þú tekur með þér héðan

heldur hvað þú skilur eftir er þú ferð

Presturinn sem sagði þessa sögu

hann lyfti gömlu Biblíunni svo við gætum séð sagði

blessi Guð bóndann, já og kennarann og prestinn

sem gaf mömmu þessa góðu bók sem hún las í fyrir mig

Bara þrír litlir krossar upp hjá beygjunni við gilið

hví þeir eru ei fjórir þar veit enginn nema Guð

ég held það teljist ei með sem þú tekur með þér héðan

heldur hvað þú skilur eftir er þú ferð

Þrír litlir krossar hjá beygjunni við gilið