Þú ert mér allt

Við áttum eina skýjaborg í æsku ég og þú

frá himni og til jarðar var vegasaltið brú

hver hreyfing upp og niður var augnablik og ár

svo litum við í spegilinn, sjá hvítt er orðið hár

Við erum eitt og annað orðin, hvort öðru bæði tvö

samt hvort í sínu lagi, stafróf A til Ö

við eigum allt og ekki neitt, aðeins dag og eina nótt

augnablik og eilífð sem líður alltof fljótt

áður fyrr, hér og nú, þú ert og verður mér allt

þú ert mér opin bók án orða, sem skrifa ég með þér

þú ert mér augnablik svo endalaust

eitt og þúsundfalt, áður fyrr, hér og nú þú ert

og verður mér allt

Tilveran er undarleg, við erum hér og nú

æskublóm í aldingarði, tíminn, ég og þú

græskulaus vor heimur er og gleðin var sú borg

sem byggðum við úr skýjunum og berum nú á torg

Við erum eitt og annað orðin, hvort öðru bæði tvö

samt hvort í sínu lagi, stafróf A til Ö

við eigum allt og ekki neitt, aðeins dag og eina nótt

augnablik og eilífð sem líður alltof fljótt

áður fyrr, hér og nú, þú ert og verður mér allt

þú ert mér opin bók án orða, sem skrifa ég með þér

þú ert mér augnablik svo endalaust

eitt og þúsundfalt, áður fyrr, hér og nú þú ert

og verður mér allt

þú ert mér opin bók án orða, sem skrifa ég með þér

þú ert mér augnablik svo endalaust

eitt og þúsundfalt, áður fyrr, hér og nú þú ert

og verður mér allt

áður fyrr, hér og nú, þú ert og verður mér allt