Tjörulagið

Hugsaðu þér lungun full af hryglu og skít

og flöskurnar með súrefni, er fylgja verða þér.

Um hjartað sem að barðist þér í brjósti ótt

en bilað gæti af álaginu strax í nótt

og kransæð fulla af stíflu og krabba er enginn sér.

Þú getur ekki lengur sýnt þann gráa leik

og blása honum frá þér eins og biluð díselvél.

Menga þannig loftið fyrir mér og þér

í mósku þeirri sjálfsblekkingin unir sér

en bíddu ekki eftir því að birti upp það él.

Dreptu í, þú drepst ekki af því.

Dreptu í, það reynist þér vel.

Taktu ei reyk, þá taparðu ei leik.

Taktu ei reyk, það farsælt tel.

Heilnæmt loft, helst nógu oft.

Heilnæmt loft, dragðu að þér.

Vertu hress, varastu stress.

Vertu hress, það líkar mér.

Þig losa skalt við reykinn svo þér líði vel

þú finnur þróttinn vaxa ef þú forðast nikótín.

Þó kistunagla langi þig að kveikja í

þá kominn ertu í hundrað ára tóbaksfrí

ef freistinguna stenstu, þá framtíðin er þín.

Dreptu í, þú drepst ekki af því.

Dreptu í, það reynist þér vel.

Taktu ei reyk, þá taparðu ei leik.

Taktu ei reyk, það farsælt tel.

Heilnæmt loft, helst nógu oft.

Heilnæmt loft, dragðu að þér.

Vertu hress, varastu stress.

Vertu hress, það líkar mér.