Útsýnið er fallegt

Þegar hverfa skýin og skuggar verða langir

og skolgráar blokkir fá lit

þá stari ég út um gluggann og get ekki annað

en gapað, jú alveg bit.

Esjan er komin í klæðin sín fínu

kvennleg er hún sjáðu þessa línu

Útsýnið er fallegt

héðan þar sem ég sit.

Kímin þú situr útí sólinni og brosir

með sumarið í augum og á himni ekkert ský

börnin sofa ennþá og útvarpið það malar.

Allt sem mér er kærast er þessu húsi í.

Þegar hverfur birtan og bláleita húmið

birtist augum þínum í

og þú ilmar af sólskini, sjó og þara

sumarnóttin er mjúk og hlý.

Ástin mín er komin í klæðin sín fínu

kvennleg er hún sjáðu þessa línu

útsýnið er einstakt

þaðan þar sem ég bý

Mjúkt þú raular í rökkrinu og brosir

réttir mér lófann og hvíslar já

í brjósti mínu er friður sem fyllir mig gleði

og ég fagna hverjum degi sem ég vakna þér hjá.

Mjúkt þú raular í rökkrinu og brosir

réttir mér lófann og hvíslar já

í brjósti mínu er friður sem fyllir mig gleði

og ég fagna hverjum degi sem ég vakna þér hjá.